ILOILO CITY-Nagdepensa ang Punong Barangay sang Democracia, Jaro, Iloilo City matapos ginpasakaan sang kaso sang More Electric and Power Corporation bangud ginpahayag nga may yara sang illegal connection ukon jumper sang kuryente sa ila balay.
Sa interview sang Bombo Radyo kay Punong Brgy. Rex Jalbuena, iya ginpanindugan nga indi iya ang nadiskubre nga jumpers sa poste sa kilid sang ila balay.
Suno kay Jalbuena, ang nasambit nga jumper ang ginapanag-iyahan sang iya tiya apang nasal-an lang sang MORE Power nga iya ini bangud nagaagi sa ila balay ang electrical wires pakadto sa balay sang iya tiya.
Nahibaluan nga magluwas kay Jalbuena, ginpasakaan man sang kaso si Kagawad Elmer Jareño nga nag-ako naman nga nagagamit ini sang jumper.
