ILOILO CITY – Bastante ang drainage canal projects sa syudad sang Iloilo nga makabulig para sa madasig nga pagsubside sang tubig-baha kun magbubo ang mamunog nga ulan.
Sa interview sang Bombo Radyo kay Asst. City Engr. Karl Quimsing sang City Engineer’s office, iya ginpahayag nga sa subong, nagapadayon pa ang construction sang drainage projects sa idalom sang Department of Public Works and Highways (DPWH) national kag regional offices, City Engineer’s Office, kag Iloilo City District Engineering Office.
“It will be enough upon the completion of projects,” pahayag ni Engineer Quimsing.
Suno kay Quimsing, ang maintenance division sang City Engineer’s Office ang nagapanguna sa pagkaayo kun may yara sang pagbara ukon clog sa mga kanal.
Una na ginpahayag ni Mayor Jerry Treñas nga ang pataka nga paghaboy sang basura sa syudad amo ang rason sang madugay pagsubside nga tubig-baha nga amo ang nagtuga sang huol sa mga residente, pasahero, kag commercial establishments sini nga mga sinemana.
Una man ginkumpirma sang alkalde nga dugangan ang pumping stations sang syudad.
