Sa tanan nga gina-atubang naton sa sini nga new normal, madamo na man kita sang quarantine ukon lockdown stories nga may masubo kag masadya.
May yara man kita ginakahidlawan nga mga activities outdoors nga aton kinaandan kaangay sang pagdalagan kag pag-ehersisyo sa guwa sang balay.
Apang nakahibalo ka bala nga may isa ka lalaki nga nagdalagan sang 61 ka kilometro sa sulod lamang sang iya puluy-an?
Siya amo si Javier Castroverde, 41, isa ka spanish triathlete.
Apisar pa nga yara lang si Castroverde sa sulod sang iya panimalay, nakadalagan siya sang 61 kilometers sa sulod sang 10 ka-oras.
Suno sa natungdan, indi rason ang pandemya agud indi maobra ang ehersisyo.
Samtang ginadedikar naman sang triathlete sa mga health professionals nga naga risgo sang ila kabuhi agud makabulig sa pumuluyo ang iya nahimo nga accomplishment nga iya narecord sa iya cellphone.
