Sa panahon subong, sa tunga sang pandemya, sa sitwasyon sang online classes kag iban pa, madamo ang indi makapugong kag naga-inugtas na.
May yara man mga taho nga laba ang pasensya kag may kontrol sa panghuna-huna.
Apang nakahibalo ka bala nga may yara isa ka taho nga wala nupunggan ang iya ugtas sang siya nagbakal sang isa ka branded nga salakyan sa diin madamo ini deperensya kag iya nalang nga ginsunog?
Siya amo si Mikhail Litvin, isa ka russian vlogger nga nagbakal sang brand new nga salakyan nga Mercedes sa presyo nga $170,000 ukon kapin 8 million pesos.
Suno kay Litvin, 10 ka bulan na siya nga nagapakadto-balik sa repair shop umpisa sang ginbakal niya ang branded nga salakyan.
Tuman ang kaugtas sang natungdan bangud wala ginabaton sang manufacturer ang responsibilidad sa iya ginbakal nga Mercedes kag wala untat ang iya pagpakay-o sini.
Sa ulihi, nagdesisyon ang russian vlogger nga ang pinakamaayo nga solusyon nga iya buhaton amo ang pagsunog sang bilog nga salakyan tubtob nga wala na ini sang bilin.
