ILOILO CITY – Nagpositibo sa coronavirus disease (COVID-19) ang lima ka contact tracers sa syudad sang Iloilo.
Sa inisyal nga impormasyon nga ginpalab-ot ni City DILG (Department of the Interior and Local Government) Director Roy Defiño, iya ginpahayag nga ang mga infected nga contact tracers sa syudad amo ang isa sa San Isidro, Jaro; isa sa Lanit, Jaro; duha sa Buntatala, Jaro; kag isa sa Sooc, Arevalo.
Suno kay Defiño, antes gindeploy sa field, napaidalom sa swab test ang mga contact tracers kag negatibo man ang una nga resulta.
Ginahulat pa ang report sang City Health Office may kaangtanan sa kondisyon sang mga nagpositibo.
Ginpaidalom subong ang lima sa quarantine kag ginapahayag nga makabaton sa gihapon sang sweldo bangud sundon ang work-from-home arrangement.
