Nagpangayo sang bulig ang Center for Health Development (CHD)- Bicol Region sa Department of Health (DOH) para sa suplay nga kinahanglanon sa recovery efforts kasunod sang paglaslas ni Bagyo Rolly.
Suno kay Health Secretary Francisco Duque III, nagakinahanglan ang Bicol Region sang hygiene kits, chlorine granules, cadaver bags, collapsible containers, jerry cans, kag first aid kits.
Ginkumpirma man ni Duque nga ginahanda na subong ang suplay nga ipadala sa Camarines Norte, Camarines Sur, Albay, Masbate, kag Sorsogon.
Ginpahayag man ni Duque santo sa ila initial assessment, ginabanta kapin P55 million ang halit sa health facilities sa amo nga rehiyon.
Lakip sa sini nga balor sang halit ang P30 million sa Bicol Regional Training and Teaching Hospital, P10 million sa Bicol General Hospital, kag P15 million sa Bicol Regional Diagnostic and Reference Laboratory.
