ILOILO CITY – Liwat nga gin-engganyo ni Iloilo City Mayor Jerry Treñas ang mga empleyado sa Iloilo City Government nga magpadayon sang trabaho apisar ginaatubang ang mga pagpanghangkat dala sang COVID-19 pandemic.
Sa flag raising ceremony sa Iloilo City Hall kaina sang aga, ginpahayag sang alkalde nga kritikal ang katungdanan sang mga empleyado sa gobyerno subong nga panahon ilabi na bangud kapital nga syudad ang Iloilo City sa Rehiyon VI.
“We continue to do what we are supposed to do despite this pandemic. Mabudlay ang ginaatubang ta but we have to go on because so much is demanded of us. We have to understand that Iloilo City is the capital of Region VI,” pahayag sang alkalde.
Ginpasalamatan man ni Treñas ang mga personnel nga wala nagauntat sang trabaho: “We can say that the City Hall employees are working faster inspite and despite this pandemic.”
Kadungan sini, nagpangayo sang pasaylo ang alkalde bangud masami nga nagainit ang iya nga ulo kag nagakawad-an sang pasensya.
“Kun kis-a ako nagairitable kay nagasako gid ako. But we have to understand we are facing a pandemic and it is not easy to operate in the midst of a pandemic. Sometimes I forget that and I would like to apologize because of my impatience and my irritation. I promise I will be more patient nga subong ginaatubang ta ang pandemic.”
