ILOILO CITY – Nagdangat sa 1,645 nga mga baboy ang natigayon na mabaligya sa mga institutional buyers halin sa Aklan, Guimaras kag probinsya sang Luzon.
Suno kay Rolando Camariosa , coordinator sang Livestock “Oksyon” Market (LOM), nagdangat sa ₱16 million ang balor sang nabaligya nga baboy.
“This resulted in a surmountable leap of income to our local farmer breeders from nearby municipalities of Leon, Iloilo,” pahayag ni Camariosa.
Pinaagi sa “Karbawan” sa banwa sang Leon, Iloilo, ang mga local traders nagikan sa mga malapit nga banwa kag probinsya ang nahatagan man sang kahigayunan nga mabaligya ang ila baboy, baka, bisaya nga manok kag kanding.
Ang nasambit nga proyekto ang natigayon pinaagi sa Department of Agriculture (DA) Western Visayas, Japan 2KR, kag local government unit sang Leon.
“Sang nag umpisa ang kargada ang presyo sang buhi nga baboy yara sa P80.00/kilo, subong nagsaka na sa P100.00 kada kilo. Naga pasalamat guid ang mga manog sagod sang baboy naton diri nga dako ang nabulig sang DA-WV, Japan2KR, kag LGU sa pagbaligyaanay sang ila mga kasapatan,” paathag sang natungdan.
