ILOILO – Ipaiway sang Iloilo Provincial Capitol ang Christmas lights and display.
Ini agud malikawan ang pagdugok sang pumuluyo bangud sa padayon nga pagpatuman sang pagdumili sang social gathering.
Sa interview sang Bombo Radyo kay Iloilo Governor Arthur Defensor Jr., iya ginpahayag nga mangin attractive nuisance ang kapitolyo kun patigayunon ang Christmas lights bangud tunaan ini sang attraction kag pagdugok sang mga pumuluyo.
Suno kay Defensor, likawan anay ang pagbutang sang engrande nga mga Christmas lights kag butangan lang sang gamay nga mga suga agud may yara man sang Christmas spirit ang kapitolyo.
Pahayag sang natungdan nga importante nga malikawan ang pagkadto kag pagpa-picture sang pumuluyo.
Nahibaluan nga kada tuig ginabantayan kag ginadugukan sang pumuluyo ang matahum nga Christmas lights kag display sa Iloilo Provincial Capitol.
