ILOILO – Nadakpan na ang isa sa tatlo ka suspek nga nagbuno-patay sa presidente kag miyembro sang (lesbian, gay, bisexual, transgender and queer) community.
Nahibaluan nga ang biktima amo si Jimmy Cayanan, isa ka negosyante kag ginapahayag presidente sang LGBTQ sa banwa sang Lambunao, Iloilo.
Ang suspek nga nadakpan amo si Michael John Miguel, 20 anyos, residente sang Poblacion, Calinog Iloilo.
Sa interview sang Bombo Radyo kay Police Major Jogen Suegay, hepe sang Lambunao Municipal Police Station, iya ginpahayag nga ginpasakaan na sang kaso nga Murder ang suspek.
Suno kay Suegay, ang duha naman ka menor de edad nga suspek nga nauna nga nagsungka sa mga otoridad ang yara pa sa kustodiya sang Department of Social Welfare and Development.
Pahayag sang natungdan, may personal nga rason kag wala pag initindihanay ang natabo gikan sa biktima kag mga suspetsado.
