Nagdaog si US Presumptive President Joe Biden sa estado sang Georgia.
Ini ang pinakauna nga kahigayunan nga nagdaog ang Democrats sa nasambit nga estado humalin sang tuig 1992.
Ginpabaskog sini ang kadalag-an ni Biden sa pag-angkon sang kabilugan nga 306 ka electoral votes.
Samtang, nagdaog naman si Republican candidate Donald Trump sa estado sang North Carolina kag nakadangat na sa 232 ka mga electoral votes.
Nahibaluan nga tubtob subong indi sa gihapon mabaton sang republican candidate ang kapyerdihan sa 2020 presidential elections.
