ILOILO CITY – Maga umpisa na sa pagbaton ang Iloilo City Government sang bulig para sa mga biktima sang bagyo Ulysses sa Luzon.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga naka-istorya na siya kanday Department of National Defense Secretary Delfin Lorenzana kag Department of the Interior and Local Government Secretary Eduardo Año tuhoy sa pagpalab-ot sang bulig sa mga biktima sang bagyo.
Suno kay Treñas, ginpanugyanan siya sang duha ka mga tiglikom nga ipaagi na lang sa Office of the Civil Defense ang pagpadala sang mga bulig.
Plano naman sang alkalde nga sapulon ang tanan nga media sa syudad agud mabuligan siya sa nasambit nga tikang.
