GUIMARAS – Ginlockdown ang St. John The Baptist Parish Church sa Poblacion, Jordan, Guimaras.
Sa exclusive interview sang Bombo Radyo kay Jordan, Guimaras Mayor Ruben Corpuz, iya ginpahayag nga nagpositibo sa COVID-19 ang kura paroko sang nasambit nga simbahan.
Suno kay Corpuz, naka-quarantine na subong ang pari kag asymptomatic.
Ginpahayag sang alkalde nga ang tanan nga yara sa simbahan ang ginadumilian nga magwa kag ginmanduan nga magpaidalom sa strict home quarantine sa sulod sang 14 ka adlaw.
Pila man sa mga nakaclose contact sang pari ang nagpaidalom na sa reverse transcription polymerase chain reaction (RT -PCR) test.
Sa subong, nagapadayon pa ang contact tracing sa iban pa nga nakaclose contact sang pari.
