Indi dapat pag-idingot sang mga ginikanan sa kabataan ang ila kinamatarong nga maghampang.
Ini ang ginpaathag ni Mikee Dela Peña, children’s rights advocate kag katapo sang Positive Youth Development Network, may kaangtanan sa pagselebrar sang National Play Advocacy Week subong nga semana.
Kabahin man ini sa pag-obserbar sang National Children’s Month.
Sa interview sang Bombo Radyo kay Dela Peña, iya ginpahayag nga indi lang lahog-lahog ang paghampang bangud kinahanglanon ini para sa physical, social, kag mental well-being sang mga kabataan.
Santo sa Article 31 sang UN Convention on the Rights of the Child, tagsa ka bata ang may kinamatarong ‘to rest and leisure, to engage in play and recreational activities’ nga nagakaigu sa iya edad.
Subong nga may COVID-19 pandemic kag limitado ang hulag sang tanan, daku suno kay dela Peña ang papel nga ginatungdan sang mga ginikanan agud masiguro nga magamit sang ila mga bata ang ila kinamatarong sa paghampang bangud ini ang ginakabig man nga natural means of expression.
angud gamay nalang ang physically active kag kalabanan ang nagausik sang malawig nga tion online, mas maayo suno kay dela Peña nga matun-an sang mga ginikanan nga i-angot ang early learning kag play opportunities sa mga dapat tun-an sa eskwelahan kag sa komunidad.
Kun idalok naman sa kabataan ini nga kinamatarong, posible suno sa natungdan nga magdaku sila nga kulang sa creativity, critical thinking skills, kag collaboration.
