PASSI CITY – Zero COVID-19 case ang Passi City sa sulod na sang masobra isa ka semana.
Sa exclusive interview sang Bombo Radyo kay Passi City Mayor Stephen Palmares, iya ginpahayag nga 10 ka adlaw na ang wala sila sang may narekord nga panibag-o nga kaso sang COVID-19.
Suno kay Palmares, ini ang bunga man sang paghimakas sang Passi City Government kag sang mga pumuluyo nga mapapas ang COVID-19.
Nagalaom man ang alkalde nga magapadayon ang nasambit nga maayo nga balita kag indi na madugangan pa ang kaso sang virus.
Nagpanawagan man si Palmares sang kooperasyon sa publiko ilabi na ang pagsunod sa health protocol.
