222 ang nangin successful blood donors sa ginpatigayon nga bloodletting activity sa syudad sang Passi.
Ang bloodletting activity ang ginpatigayon sang “UGYON PARA SA PASSINHON, DUGO KO, KABUHI MO” program sang local government unit, Dugong Bombo sang Bombo Radyo Philippines kag Philippine Red Cross.
Natipon ang 99, 900 cc sang dugo ukon equivalent sa kapin isa ka gatos nga litro (100 liters) sang dugo.
Sa interview sang Bombo Radyo kay Gelverth Aguilario, blood coordinator sa syudad sang Passi, iya ginpahayag nga nangin bug-os gid ang suporta sang mga estudyante sa syudad ilabi na ang nagikan sa Passi City College kag iban pa nga naka-pre screening nga mga donors.
Ginpasigurado gid nga matuman ang tanan nga health protocols batok sa COVID-19 bangud malapad ang area sa Passi City Arena.
Sa Biyernes, Nobyembre 27, liwat man nga patigayunon ang Dugong Bombo sa Passi City Arena.
