Wala na sang makapugong pa sa electoral college sa Estados Unidos nga pilion si US Presumptive President Joe Biden agud mangin ika-46 nga presidente sang pungsod.
Ini ang pahayag ni Bombo International Correspondent Farther Fred Vergara, isa sa Bombo International Correspondents sa 50 ka mga estado kag sa Distrito sang Columbia sa Estados Unidos.
Suno kay Vergara, nagalaum man siya nga mag-concede na si US President Donald Trump kag batunon ang iya nga kapierdehan sa eleksyon.
Matandaan nga sang nagligad nga adlaw, sa una nga kahigayunan umpisa sang presidential elections, ginpahayag ni Trump nga handa siya nga bayaan ang White House kun botohon sang electoral college si Biden.
Apang kadungan sini, gin-athag ni Trump nga nabudlayan siya gihapon nga magconcede bangud nakahibalo siya nga may yara sang lapnagon nga pagdinayaay sa elekyon.
Natalana nga magsapol ang electoral college sa Disyembre 14 agud maka-cast sang boto ang nominated electors sang tagsa ka estado.
Ini nga mga boto ang opisyal nga isipon sang Congress sa Enero 6, 2021.
