May plano na ang Estados Unidos para sa madasig nga pagpanagtag sang COVID-19 vaccine kun ini ang aprubahan na sang Food and Drug Administration.
Ini matapos ang pagtimbuok sang kaso sang COVID-19 sa amo nga pungsod kag labi nga nagdamo ang naospital.
Sang tinalikdan lang nga Nobyembre, 4.36 million ka mga tawo ang na-infect sang virus — doble narekord nga numero sang Oktubre.
Suno kay Moncef Slaoui, chief adviser sang Operation Warp Speed program ni President Donald Trump, 20 million ka tawo ang posible mabakunahan antes matapos ang 2020.
Sa tunga-tunga sang 2021, halos malikop na ang bug-os nga Estados Unidos suno sa iya.
Ginpahayag pa sang natungdan nga isa ka adlaw matapos maangkon ang approval sang Food and Drug Administration, umpisahan na gilayon ang paggamit sang bakuna.
