LONDON – Nagpanawagan ang United Nations (UN) sa 193 ka mga nasyon nga kilalahon ang mga seafarers kag iban pa nga marine personnel bilang “key workers”.
Ini ang kaangot sa pagka-stranded sang kapin 400,000 nga mga seafarers sa mga kadagatan bangud sa COVID-19 pandemic.
Suno kay UN Secretary-General Antonio Guterres, kuntani pasugtan na sang gobyerno sang kada pungsod ang pagpauli sang mga stranded nga seafarers sa
kadagatan kag pabalikon naman sa ila trabaho ang mga nagpauli apang wala pa ginpasugtan nga makasakay sa barko.
Bukas naman ang International Chamber of Shipping nga nabase sa London nga nagatiglawas sa 80 percent nga mga merchant fleet ukon 2 million nga mga seafarers sa nasambit nga resolusyon.
“This is a significant step in recognizing the crucial role that 2,000,000 sailors play in transporting food, medicine, energy supplies and other essential raw
materials across the globe amidst the height of a global pandemic,” pahayag sang International Chamber of Shipping.
Nagalaom naman ang maritime industry nga ilakip ang mga seafarers sa mga prayoridad nga mahatagan sang bakuna batok sa COVID-19.
