Nagtimbuok naman sa P98.65 million sang 2025 ang net worth ni Vice President Sara Duterte halin sa P7.25 million sang 2007.
Buot silingon, nadugangan ini sang P91 million sa sulod sang masobra 18 ka tuig.
Base sa mga dokumento nga ginpresentar sang prosekusyon, ang iya declared net worth yara sa P49.7 million sang 2018 kag P55.61 million sang 2019, antes naglab-ot sa P56.58 million sang 2020 kag P65.31 million sang 2021.
Nagpadayon ini sa pagsaka matapos nangin bise-presidente ini nga naglab-ot sa P71.66 million sang 2022, P77.51 million sang 2023, kag P88.51 million sang 2024.
Sang 2025, si Duterte kag ang iya bana nga si Atty. Manases Carpio nagdeklarar sang combined net worth nga P98,656,131.20.
Ang ila total assets yara sa P122.8 million samtang ang ila liabilities naglab-ot sa P24.14 million.
