Atensyon sa mga ginikanan ilabi na sa mga nanay.
Lantawa ang inyo mga anak. Ano bala ang nakuha ni baby sa inyo? Ang inyo mataas nga ilong, bibig ukon mata?
Indi manigar nga kun kaisa nagabaisay ang mag-asawa kun sa diin nakuha sang ila anak ang pamatasan sini ukon mga hilig.
Apang pause anay sa pagbaisay.
Suno kay Dawn Allain, genetic counselor kag director sang Genetic Counselling Graduate Program sa The Ohio State University Wexner Medical Center, indi lamang sa mga ginikanan makuha sang mga kabataan ang mga pamatasan ukon hilig sini kundi mismo sa iya man nga palibot.
Apang kun istoryahan ang mga kinaiya sang isa ka iloy nga napasa sini sa iya anak, ang una diri amo ang memorya.
May yara sang kahilabtanan ang kondisyon sang memorya sang mga tawo bangud sa ila mga iloy.
Ini bangud sa mga nanay nagahalin ang mataas nga risgo sa pag-angkon sang Alzheimer’s disease.
Samtang kun manubo naman ang lebel sang serotonin sang imo nga iloy, mahimo nga ikaw man ang mag-angkon sang attention-deficit hyperactivity disorder sa tion nga ikaw ang magtigulang.
Kag… pasensya lang sa mga tatay ha bangud daog sa subong ang mga nanay. Ini bangud ang kaalam sang iloy ang mahimo nga mapasa sa mga kabataan kag bangud ini sa duha ka X chromosomes nga nagahalin sa iloy samtang isa lang ang iya sang amay.
