Ginhingyo ni Senator Pia Cayetano sa Inter-Agency Task Force (IATF) on COVID-19 nga indi pag-ilakip ang mga cyclists kag joggers sa mandatory nga magasuksok sang face shields.
Si Senator Cayetano ang isa man anay ka national athlete kag triathlete.
Suno sa senador, mahimo pa mangin rason sang aksidente ang pagsuksok sang face shield bangud posible nga magaburon ang panan-awan sang cyclists.
Nag-apelar man si Cayetano sa Inter-Agency Task Force nga pasugtan ang mga joggers nga maka-jog sa pampubliko nga lugar nga wala sang face shield sa kondisyon nga sundon lang nila ang protocol sa social distancing.
Ang statement ni Cayetano ang kasunod sang pahayag sang national government sang nagligad nga semana nga required na ang publiko nga magsuksok sang face shield kag face mask kun maggwa sa ila nga balay.
