ILOILO CITY – 663 na lang ang nabilin nga active cases sang COVID-19 sa Western Visayas.
Sa Enero 7 nga bulletin sang Department of Health (DOH) Region VI, 36 ang nagdugang nga panibag-o nga kaso sang nasambit nga balatian.
Sa bag-o narekord nga mga kaso, 5 ang halin sa Capiz, 17 ang halin sa probinsya sang Iloilo, 6 ang halin sa Negros Occidental, 5 sa Bacolod City, kag 3 sa Iloilo City.
Narecord man ang dugang nga 170 ka recoveries 2 ang nagdugang sa mga napatay.
Sa kabug-usan, ang Western Visayas ang may yara na sang 21,819 nga total reported cases sang COVID-19.
Sa sini nga numero, 20,486 ang total reported recoveries, kag 664 ang total reported deaths.
Kun pahat-pahaton ang mga kaso sa rehiyon:
Aklan – 466
Antique – 87
Capiz – 1,212
Guimaras – 247
Iloilo Province – 3,057
Negros Occidental – 6,433
Bacolod City – 5,620
Iloilo City – 4,697
