Indi na makakilibot kun magtaas ang kaso sang COVID-19 sa Pilipinas matapos ang pagpatigayon sang daku nga mga aktibidad sang holiday season nga gindugukan sang mga tawo.
Suno kay World Health Organization Country Representative Rabindra Abeyasinghe, ang close contact sang mga tawo sa mga aktibidad ang makadugang sang tyansa sang paglaton sang balatian.
Partikular man nga gintumod sang health official ang Pista sang Itom nga Nazareno kun sa diin masobra 400,000 ka mga tawo ang nagkadto sa selebrasyon sang nagligad nga Sabado sa Quiapo Church sa Manila.
Nagpanugyan man si Abeyasinghe nga kritikal ukon tuman ka importante nga matumod gilayon sang Department of Health ang panibag-o nga mga kaso agud mapatuman man gilayon ang extensive contact tracing.
