Ginapanan-aw nga magalawig pa ang state of emergency nga ginapatuman sa Japan bilang taming sa paglapta sang COVID-19.
Santo sa report sang public broadcaster nga NHK, magasapol pa ang mga ekperto kag ang government officials subong nga semana agud istoryahan ang ginapahayag nga extension sang state of emergency.
Ginapahayag nga under pressure subong ang mga ospital apisar nakit-an nga nagnubo na ang reported COVID-19 cases subong nga mga inadlaw.
Sang nagligad nga bulan, gindeklarar ang one month state of emergency kag magatapos ini sa Domingo.
Epektibo ini sa 11 ka mga areas lakip na ang Tokyo kag kaiping nga mga prefectures.
Ang Japan ang may yara na sang 390,687 ka coronavirus cases kag 5,766 ka mga napatay.
