Ang mga empleyado sang tatlo ka main COVID-19 referral hospitals sa Pilipinas ang labing-una nga makabaton sang COVID-19 vaccine kun mag-abot na ini sa Pilipinas.
Ini nga mga referral centers amo ang Philippine General Hospital sa Manila, Lung Center of the Philippines sa Quezon City, kag Dr. Jose N. Rodriguez Memorial Hospital and Sanitarium (ukon Tala Hospital) sa Caloocan City.
Suno kay Department of Health (DOH) Secretary Francisco Duque III, indi lang health workers ang bakunahan kundi tanan gid nga staff sini nga mga talatapan.
Ginpahayag man ni Vaccine czar Secretary Carlito Galvez Jr. nga ang mga health workers kag personnel sang East Avenue Medical Center ang igalakip man sa initial rollout sang bakuna.
Ginalauman sang gobyerno sang Pilipinas nga mabaton ang at least 5.6 million doses sang Pfizer-BioNTech kag AstraZeneca vaccines sa una nga quarter sang tuig.
