Nagpasalig ang bag-o nga pinuno sang Armed Forces of the Philippines nga mas pasangkaron pa ang pag-patrol sa kalalawran nga ginaagawan sang Pilipinas kag China.
Ini ang kasunod sang makaalarma nga bag-o nga layi sa China kun sa diin ginapahanugutan ang coast guard nga tiruhon ang foreign vessels kag gub-on an mga estruktura nga ginapatindog sang iban nga mga pungsod.
Suno kay AFP chief of staff Lt. Gen. Cirilito Sobejana, wala sang iban nga intensyon kundi nagapangabuhi lang ang mga Pinoy kun sila ang makalab-ot sa dagat nga iya pa sang Pilipinas apang gina-claim man sang China.
Suno kay Sobejana, katungdanan sang militar nga protektahan ang mga tawo gani dugangan pa ang visibility sang militar paagi sa pag-deploy sang dugang nga naval assets.
Gin-athag sang military chief nga ang dugang nga deployment ang wala nagakahulugan nga may giyera sa tunga sang Pilipinas kag China, kundi kabahin lang sang seguridad sang mga tawo sa pungsod.
Una na nga nagpadala ang Pilipinas sang diplomatic protest batok sa ginakabig makaalarma kag iresponsable nga China coast guard law.
