Indi pagtagu-taguon sa publiko ang pagpabakuna ni Presidente Rodrigo Duterte batok sa COVID-19.
Suno kay Presidential Spokesperson Atty. Harry Roque, ipahibalo man ang petsa kun san-o patigayunon ang vaccination sa presidente.
Ini ang kabahin man gihapon sang pamaagi sang national government agud nga mapabaskog pa ang pagsalig sang mga tawo sa COVID-19 vaccination.
“I think the President has said he will now have himself vaccinated publicly. He only has to announce when it will be done. That’s, of course, in recognition of the fact na naghihintay ng senyales ang taong bayan kung talaga sila’y magpapabakuna o hindi. I think that is a policy that we will now pursue.”
Ini nga pahayag ni Roque ang baliskad sa nauna niya nga statement kun sa diin una nga gin-anunsyar nga sa pribado nga lugar mapabakuna si Presidente Duterte kag wala man sang ginpahayag kun ano nga partikular nga bakuna ang gamiton.
Nahibaluan nga ang 75 anyos nga presidente nga may yara sang underlying health issues ang na-belong sa grupo sang vulnerable nga mga tawo nga posible makadevelop sang malala nga sintomas sang respiratory disease.
