SAN JOAQUIN, ILOILO – Pilason ang isa ka soldado matapos natiruhan sang rebelde sa engkwentro nga nagluntad sa Brgy. Iglilico, San Joaquin, Iloilo.
Sa interview sang Bombo Radyo kay Lt. Col. Joel Benedict Batara, Commander sang 61st Infantry Battalion (61IB) sang Philippine Army, iya ginpahayag nga nagapatigayon sila sang house to house visitation bilang kabahin sang Community Support Program (CSP) sang naengkwentro ang indi magnubo sa 10 ka myembro sang Suyak (SDG) Platoon of the Southern Front, Komiteng Rehiyon Panay (KR-P) sa idalom sang pagpamuno ni Joven Ceralvo alyas Ka Lex.
Suno kay Batara, nagdugay sang tunga sa oras ang engkwentro.
Diri kag naigo sa dughan kag natuo nga butkon ang wala ginpangalanan nga soldado.
Nagapadayon naman ang hot pursuit operation kasunod sang engkwentro.
