Temporaryo nga dumilian sang gobyerno sang Pilipinas ang pagsulod sang mga foreigners sa pungsod lakip na ang manugpauli nga mga Filipinos nga indi man makabig nga overseas workers.
Mangin epektibo ang nasambit nga pagsulundan umpisa sa Sabado, Marso 20 kag magalawig tubtob sa Abril 19 bangud sang pagtimbuok sang kaso sang COVID-19 sa pungsod.
Gin-manduan man sang National Task Force Against COVID-19 ang mga ahensya sang gobyerno nga limitahan ang numero sang inbound international passengers sa 1,500 kada adlaw.
Tuyo sang nasambit nga pagsulundan nga indi na madugangan pa ang bag-o nga coronavirus variants nga halin sa iban nga mga pungsod.
Sa idalom sang Memorandum Circular No. 5, ang masunod nga mga indibidwal ang exempted sa entry ban:
- Holders sang 9(c) visas
- Medical repatriation kag ang ila escort ukon escorts nga gin-endorso sang Department of Foreign Affairs kag sang Overseas Workers Welfare Administration
- Distressed Returning Overseas Filipinos nga gin-endorso sang DFA kag sang OWWA; kag
- Emergency, humanitarian, kag iban pa nga analogous cases nga gin-aprubahan sang NTF-COVID-19
