Imbestigaran sang state-owned PTV Network ang natabo sa isa sa ila social media accounts kun sa diin nagamit ang hashtag nga nagapakamalaot sa pandemic response sang Duterte Administration.
Matandaan nga sang gin-share ang story sa Twitter may kaangtanan sa mandu ni Presidente Rodrigo Duterte nga manghatag sang libre sang face mask, nagtuhaw ang post nga may nakabutang nga #DutertePalpak – isa ka hashtag nga gilayon man nga nag-trend sang Lunes.
Gin-delete naman ang amo nga tweet.
Suno sa PTV, wala sa original caption ang amo nga hashtag.
Nagpangayo sang pasaylo ang PTV bangud sang natabo kag ginpahayag nga gina-imbestigaran na ang intensyon sa likod sang ginapahayag malisyoso nga post.
