Ginpakamalaot sang grupo sang health workers ang ginapahayag palpak nga mga tikang sang gobyerno agud matapna ang COVID-19 cases sa pungsod apisar isa na ka tuig ang nagligad sang ginpatuman ang community quarantine.
Suno sa Alliance of Health Workers, incompetent, inefficient kag negligent ang mga paagi sang gobyerno kag sa baylo nga magnubo, nagtaas pa ang numero sang infections bangud sang bag-o nga variants sang coronavirus.
Suno pa sa grupo, kapoy na ang mga medical frontliners kag overwhelmed na ang kapasidad sang mga ospital.
Ginhingyo sang nasambit nga grupo sa gobyerno nga i-address ini nga isyu lakip na ang kakulang sa staff kag tuman kanubo nga sweldo sa mga ospital.
Nagpanugyan man ang grupo nga ang 10 percent sang Gross Domestic Product (GDP) ang dapat ipain para sa health budget agud maka-provide sang “free and comprehensive public health care system” para sa publiko.
