Labi pa nga ginpabaskog ang kalakasan sa eastern Myanmar paagi sa paglunsar sang militar sang bag-o nga mga air attacks.
Ang military air strikes ukon mga pagpang-atake ang rason kun ngaa linibo ka tawo halin sa Karen ethnic minority ang nagtinguha nga makatabok sa border kag makapalagyo padulong sa Thailand.
Una naman nga nagpanginwala ang prime minister sang Thailand nga ginpwersa nila nga pabalikon sa Myanmar ang mga refugees bangud ginapahayag nga nagbalik sila sa ila pungsod santo sa ila kaugalingon nga kagustuhan.
Apang wala man lang nagatawhay ang sitwasyon sa Myamar.
Ginkumpirma mi Saw Taw Nee, head sang foreign affairs department sang Karen National Union ukon ang political body nga nagatiglawas sang Karen minority, nga duha ka bag-o nga raids sang Martes ang nagbilin sang anum ka patay sa sibilyan kag 11 ang pilason.
May kaangtanan diri nagpahayag si Thai Prime Minister Prayuth Chan-ocha nga handa ang pungsod Thailand ang amumahon ang sin-o man nga nagapalagyo halin sa mga pagpang-atake sa Myanmar.
Sa subong, masobra na sa 500 ang patay sa Myanmar kasunod sang ginpatuman nga kudeta sang Pebrero 1.
(Photos are from AP)
