Padayon pa nga ginapangita sang mga pulis sa New York ang isa ka lalaki nga nakit-an sa closed circuit television nga bayolente nga nag-atake sa isa ka Asian-American nga babaye nga nagatindog sa higad sang karsada.
Ginapahayag nga Pinay ang biktima.
Nakit-an man nga may iban nga mga tawo sa Midtown Manhattan nga nagalantaw lang sa ginhimo sang lalaki apang wala man sang ginhimo agud mabuligan ang babaye.
Santo sa video nga ginpost sang pulis online, ginpalapitan sang lalaki ang 65 anyos nga babaye, ginsipa siya sa busong tubtob nga natumba ini sa duta.
Nakit-an pa nga ginsipa sang lalaki ang biktima sa iya nga ulo sang makapila ka beses antes siya naghalin sa lugar.
Suno sa pulis, naospital gid ang babaye bangud sa multiple injuries lakip na ang broken pelvis.
Yara na ini subong sa estable nga kondisyon.
Sa subong, ginaimbestigaran pa sang pulis ang amo nga hate crime, ang pinakaulihi nga recorded incident sang anti-Asian violence sa Estados Unidos.
