Opisyal na nga magaumpisa ang Ramadan bwas, Abril 13.
Ini ang gin-anunsyo ni Sheikh Abu Huraira Udasan, executive director sang Bangsamoro Grand Mufti and Regional Darul Ifta, matapos ang traditional moon sighting.
Sa tion sang Ramadan, ang mga Muslim ang nagasunod sa pagpuasa kag nagalikaw man sa pag-inom, pagpanigarilyo, kag pagpakighilawas.
Pwede lamang malapas ang tradisyon sa pagpuasa paagi sa early meal nga ginatawag Suhur kag evening meal nga ginatawag Iftar.
Bangud ang Ramadan ang ginakabig pinakabalaan nga bulan sa bilog nga tuig sang mga Muslim, ginagamit man ini sang Muslim community bilang tion sa pag-reflect, pagpangamuyo, kag pag-improve sa relasyon sa iban nga tawo.
Ini ang ikaduha nga tuig nga ginselebrar sang mga Muslim ang Ramadan nga naka-community quarantine ang Pilipinas bangud sa COVID-19 pandemic.
