Nakalab-ot na sa Committee on Justice sa Kamara ang impeachment complaint batok kay Supreme court Associate Justice Marvic Leonen lima ka bulan matapos ini nga gin-file.
Ginapaabot nga magapatigayon sang hearings ang committee agud matumod ang ‘form and substance’ sang impeachment complaint nga una na nga ginpahayag sang legal luminaries nga wala sang basehan.
Sa statement nga ginpagwa kagab-i, ginpahayag ni House Majority Leader Martin Romualdez nga nagapati siya nga ang mga mamalidha sa justice committee ang magabase sa constitutional grounds sa pag-akto sa amo nga impeachment complaint.
Matandaan nga ini nga complaint ang ginsumite ni Edwin Cordevilla sa Office of the House Secretary-General sang Disyembre 7,2020. Si Cordevilla amo ang secretary-general sang Filipino League of Advocates for Good Government.
Sa sini nga complaint,gin-akusaran ni Cordevilla si Leonen sang culpable violation sang1987 Constitution, pag-delay sang resolution of cases, kag betrayal of public trust.
Ini ang sunod nga gin-endorso ni Ilocos Norte 2nd District Representative Angelo Marcos Barba, pakaisa sang napierde nga vice presidential candidate nga si Ferdinand “Bongbong” Marcos Jr.
Nahibaluan nga si Leonen amo ang nagsulat sang desisyon nga ibasura ang election protest ni Marcos batok kay Vice President Leni Robredo.
Nagpahayag naman si Lenon sa Kamara nga indi na magpati sa sini nga false issues bangud gin-raise lang ini sang pila ka mga indibidwal nga nagalagas sa personal nga mga rason.
