ILOILO CITY – Nagdangat sa 737 ka mga empleyado sang Iloilo City Hall ang ginkuhaan sang swab sample sa una nga adlaw sang COVID-19 mass testing nga ginpatigayon sa Iloilo Freedom Grandstand.
Sa interview sang Bombo Radyo kay Mr. Jeck Conlu, COVID-19 spokesperson sang Iloilo City Government, iya ginpahayag nga ang mga gin-una nga mga empleyado amo ang halin sa:
– City Treasurer’s Office
– City Budget Office
– City Accountant’s Office
– City Mayor’s Office
– General Services Office
– City Engineer’s Office
– City Administrator’s Office
Ubuson anay ang tanan nga nagatrabaho sa city hall antes ang mga empleyado nga na-deploy sa district kag field offices.
Suno kay Conlu, masarangan pa sang Uswag Molecular Laboratory nga i-run ang mga specimen sang taga-Iloilo City Hall apang indi mapat-od kun marelease gilayon ang resulta sa sulod sang 24 ka oras matapos makuhaan sang swab sample.
Ginalauman nga matapos sa Byernes ang mass testing sa mga empleyado.Matandaan nga santo sa Executive Order 43 nga una na nga ginpagwa sang alkalde, ang mga mag-negatibo sa COVID-19 test ang ginamanduan na nga magbalik sa trabaho kag mag-resume sang office operations.
111 ShareLikeCommentShare
