Posible nga ipanghaboy na lang sa masunod nga mga bulan ang minilyon ka coronavirus vaccines sang Hong Kong bangud nagahilapit na ang expiry date apang tuman ka gamay lang nga residente ang nagparehistro para sa COVID-19 vaccination.
Ang Hong Kong ang isa sa mga lugar sa bilog nga kalibutan nga temprano nga nakatipon sang bastante nga suplay sang bakuna agud magamit sa 7.5 million nga populasyon.
Apang santo sa report, bangud wala sang salig sa gobyerno ang mga tawo, bangud sa sala nga impormasyon sa internet, kag bangud daw indi man mabatyagan ang urgency sa mga syudad nga wala sang kaso sang virus, madamo ang nagapamalibad nga magpabakluna.
Bangud sini, nagpaandam ang isa ka miyembro sang government’s vaccine task force nga tatlo ka bulan na lang ang nabilin antes mag-expire ang una nga batch sang Pfizer-BioNTech vaccinesSuno kay Thomas Tsang, former controller sang Centre for Health Protection, magluwas nga indi na magamit ang bakuna kun maglapaw sa expiry date, reported man nga magauntat sang operasyon sa Setyembre ang mga community vaccinationation centers para sa BioNTech.
Nagpahayag man si Tsang nga indi gid husto nga ginatampok sa Hong Kong ang mga wala nagamit nga dose sang bakuna samtang may mga pungsod naman nga wala sang kuhaan sini.
Tag-7.5 million doses sang bakuna ang ginbakal sang Hong Kong halin sa Pfizer-BioNTech kag Sinovac.Nag-pre order man ini sang 7.5 million doses sang AstraZeneca jabs apang ginbawi man subong nga 2021 bangud suno sa otoridad, kinahanglan gamiton ang kwarta sa second-generation vaccines sa masunod nga tuig.
Sa subong, 19 percent pa lang sang populasyon ang nakabaton sang una nga dose sang amo nga mga bakuna, samtang 14 percent naman sang populasyon ang nakabaton sang duha na ka doses.
