Ginsuportahan sang mga lider sang Simbahang Katolika kag sang mainline Protestant churches ang ginaduso nga maimbestigaran sang International Criminal Court (ICC) ang ginaalegar crimes against humanity nga nakomiter sang Duterte administration bangud sa war on drugs.
Santo sa statement ni Bishop Reuel Norman Marigza, general secretary sang National Council of Churches in the Philippines (NCCP), JUST kag MORAL lang para sa gobyerno nga magkooperar sa patigayunon nga imbestigasyon sang ICC agud nga mahatagan sang hustisya ang linibo nga napatay bangud sa away kontra sa droga.
Ang NCCP amo ang pinakadaku nga organisasyon sang mainline Protestant kag non-Roman Catholic Churches diri sa Pilipinas.
Una diri, nagpahayag man si Bishop Broderick Pabillo, temporary head sang Archdiocese of Manila, nga isa ka “welcome development” ang ginhimo ni anay prosecutor Fatou Bensouda nga pag-request sa ICC sang isa ka judicial authorization nga maimbestigaran ang drug war killings sa Pilipinas.
Una naman nga ginhangkat ni Pabillo ang national government nga ipakita ang accountability kag magkooperar sa imbestigasyon kun matuod nga wala sang may ginatago.
Ang period nga ginalantaw nga imbestigaran ang maga-umpisa Hulyo 2016 tubtob Marso 2019 — tion nga nangin vice mayor kag nangin mayor sang Davao City kag sang ulihi nangin presidente si Presidente Rodrigo Duterte.
May lain-lain nga numero nga ginapresentar may kaangtanan sa mga napatay sa drug war sang administrasyon apang kun ang human right groups ang pahambalon, naglapaw na ini sa 27,000 ka mga tawo.
Nahibaluan nga pila man ka mga lider sang religious sector ang nangin matunog nga kritiko sang drug war ni Presidente Duterte rason nga sila man ang masami nga ginalaslasan sang presidente paagi sa pagtawag sa ila nga mga ipokrito.
