Nalakip si Gilas Pilipinas star Dwight Ramos sa mga ginakabig must-watch players sa palaabuton nga FIBA Olympic Qualifying Tournament sa Belgrade, Serbia.
Ang pagkilala ang nakuha ni Ramos matapos ang iya dalayawon nga performance sa third and final window sang FIBA Asia Cup 2021 qualifiers sa Clark, Pampanga.
Sa duha ka hampang batok sa South Korea kag isa batok sa Indonesia, may average ang 22-anyos nga si Ramos nga 15 points, 6.7 rebounds, 2.3 steals, kag two assists per contest.
Sa website sang FIBA, ginpahayag nga ‘go-to guy in the new Gilas generation’ si Ramos.
“He is the go-to guy in the new Gilas generation, which is still on a mission to find a new leader after legendary Andray Blatche. Dwight’s numbers and games in the Fiba Asia Cup qualifiers show that he is on a good way to follow the path blazed by his countrymate.”
Balantayan si Ramos kag anga Gilas team sa hampang batok sa Serbia kag Dominican Republic.Una na nga ginpahayag ni Gilas Pilipinas coach Tab Baldwin nga may “major concern” kaangot kay Ramos bangud wala pa ini naka-recover gikan sa groin injury.
Magluwas kay Ramos, ang nakitaan pa sang FIBA sang potensyal amo si Vasilije Micic sang Serbia, ang Most Valuable Player sang Euroleague.
