Ginpat-od ni Department of Health (DOH) Secretary Francisco Duque III nga wala pa sang local cases sang Delta variant sa Pilipinas.
Suno kay Duque, base sa whole genome sequencing sang biosurveillance sang Philippine Genome Center, wala pa sang may na-detect nga local case sang nasambit nga mas makalalaton nga variant ipaanggid sa original nga coronavirus strain.
Pahayag ni Duque, ang Philippine Genome Center man ang makahambal kun nakasulod na ukon limitado pa lamang sa mga returning overseas Filipinos ukon overseas Filipino Workers ang mga kaso sang Delta variant.
Dugang pa niya, ginatun-an na subong ang posible nga pagban sa mga byahero nagikan sa Indonesia bangud sa threat sang Delta coronavirus variant.
Ini ang kasunod man sang pag-anunsyo sang pungsod nga palawigon pa ang travel restrictions sa mga traveler halin sa United Arab Emirates, India, Pakistan, Sri Lanka, Oman, Nepal kag Bangladesh tubtob sa Hulyo 15 bangud sa mas makakalaton nga variant sang COVID-19.
Sa subong, may yara ang pungsod sang 17 ka Delta variant cases, nga lunsay returning overseas Filipinos.
