Ginpanginwala sang Department of National Defense (DND) kag sang Department of Foreign Affairs (DFA) nga may mga human waste nga ginapanghaboy sa pila ka bahin sang West Philippine Sea.
Suno kay DND Secretary Delfin Lorenzana, indi matuod ang isa ka recent report samtang peke naman ini para kay DFA Secretary Teodoro Locsin, Jr.
Una diri, ginbuyagyag sang isa ka geospatial intelligence firm sa Estados Unidos nga may mga human waste halin sa ginatos ka barko sang China nga ginapangtampok sa reefs sa Spratly Islands rason nga nagakahalitan ang dagat.
Ini nga report ang ginsuportahan sang satellite images nga kuha sang European Space Agency.
Santo naman sa official statement sang DND, ginpahayag nga ginakumpirma pa sang ahensya kun may mga higko gid man nga ginapanghaboy sa dagat nga sakop sang Pilipinas.
Ginmanduan na ang Western Command nga imbestigaran ang nakasaad sa amo nga report.
Ang Department of Environment and Natural Resources (DENR) naman ang nagapakig-angot sa iban pa nga otoridad agud nga i-check ang kamatuoran sa likod sang amo nga recent report kag kun matuod gid man nga ang Chinese vessels ang yara sa likod sini.
