Pangunahan ni Presidente Rodrigo Duterte ang national assembly sang ruling party nga Partido Demokratiko PilipinoโLakas ng Bayan (PDPโLaban) sa bwas, Hulyo 17 .
Sa interview sang Bombo Radyo kay Iloilo Governor Arthur Defensor Jr. nga amo man ang Provincial Chairman sang PDPโLaban sa Iloilo, iya ginpahayag nga maga-attend pa sa nasambit nga assembly si Department of Energy Sec. Alfonso Cusi ang vice chairman sang partido.
Matandaan nga ginsipa sang partido si Cusi bangud sa ginapahayag paglapas sa pila ka mga probisyon sa konstitusyon sang grupo.
Suno kay Defensor, magluwas sa chairman sang partido nga si Duterte, magatambong man sa assembly ang pila pa ka mga personalidad.
Pahayag sang gobernador, kadungan sang pagsinapol sang partido, kuntani masolusyunan na ang indi pag-intindihanay sang mga matag-as nga pinuno kag maplastar sang maayo ang pila ka mga plano para sa maabot nga eleksyon.
Samtang, gin-ako naman ni Defensor nga nakasugilanon siya angot sa politika kaupod sanday former Representative sang 4th District sang Iloilo nga si Ferjenel Biron kag Iloilo 4th District Rep. Braeden John Biron.
