Ginmanduan ni Philippine National Police (PNP) chief Gen. Guillermo Eleazar ang mga pulis nga magbulig sa mga opisyal sa barangay sa pagmonitor sa mga superspreader events sa tunga sang pamahog dala sang Delta variant sang COVID-19.
Magadeploy ang PNP sang dugang nga pwersa sa mga pampubliko nga lugar agud nga malikawan ini nga mga pagtinipun-tipon.
Suno kay Eleazar, base man ini sa nangin direktiba ni Department of the Interior and Local Government (DILG) Secretary Eduardo Año.
Nagpaandam man si Eleazar nga indi maghatag sang konsiderasyon ang PNP sa mga madakpan nga naga-organisa sang dalagku nga mga pagtilipon.
Una naman nga nagpahayag ang DILG nga ang mga alkalde sa kada banwa ukon syudad ang sukton ukon dagdagan sang penalidad kun may matabo nga paglapas sa COVID-19 protocols sa ila nga jurisdiction.
