Flattered si Miss Universe 1969 Gloria Diaz sa mga memes nga nagalapta online nga naga-angot sa iya sa Olympic gold medalist nga si Hidilyn Diaz.
Ini bangud magkaangay ang ila apelyido kag ginakabig man nga history makers sa Pilipinas.
Si Gloria amo ang labing-una nga Filipina Miss Universe sang koronahan siya sang 1969, samtang si Hidilyn naman ang labing-una nga atleta halin sa Pilipinas nga nakaangkon sang Olympic gold.
Sa isa ka caption sa iya post, ginpahayag pa ni Gloria nga daw langaw siya nga nagatungtong sa karabaw sa subong.
Gintawag ni Gloria nga champ ang 30 anyos nga si Hidilyn kag asud-asud man ang iya pagrepost sang memes sa iya nga stories online.
