Mga vendors sa Super nga nabakunahan batuk sa COVID-19, yara pa lang sa ‘tunga’

Tunga pa lang sa mga vendors sa Iloilo Terminal Market ang nabakunahan batuk sa COVID-19.

Sa interview sang Bombo Radyo kay Punong Barangay Woody Dela Riarte sang Kauswagan, Iloilo City Proper, iya ginpahayag nga dako gid nga butang nga mabakunahan ang tanan nga mga manugbaligya sa tanan nga mga merkado sa syudad sang Iloilo.

Suno kay Dela Riarte, ang iban nga mga vendors ang lunsay mga residente sang probinsya rason nga tunga pa lang sa ila ang naka-avail sang COVID-19 vaccine.

Apang padayon man niya nga gina-engganyo ang mga vendors nga magbakuna bangud basi sa ulihe maabot ang tion nga ipatuman sa merkado ang “no vaccine, no entry.”