Wala sang may gin-aprubahan sa 25 ka mga natumod nga eskwelahan para sa face-to-face classes sa Western Visayas.
Sa interview sang Bombo Radyo kay DepEd Region VI Director Dr. Ramir Uytico, iya ginpahayag nga nakadepende sa central office sang Department of Health (DOH) kag DepEd ang pinal nga desisyon angot sa pagpatigayon sang face-to-face classes.
Suno kay Uytico, sa Iloilo City, wala man sang bisan isa nga eskwelahan nga na-aprubahan bangud man sa heightened restrictions.
Apang may gahom man suno sa iya ang mga local government unit sa pagpatuman sang localized face-to-face classes sa kada lugar.
Nag-apelar man ang natungdan sa mga ginikanan nga i-enroll ang ila kabataan agud makahingagaw sa opening of classes sa Lunes, Septyembre 13.
