Bastante ang suplay sang personal protective equipment (PPEs), face mask kag faceshield sa Western Visayas Medical Center (WVMC) nagikan sa Department of Health (DOH).
Sa interview sang Bombo Radyo kay Mr. Richard Saltin, spokesperson for COVID-19 concerns sang WVMC, iya ginpahayag nga sang Huwebes, Septyembre 9, may nabaton ang nasambit nga ospital sang 10,000 ka PPEs kag face mask.
May nag-abot man nga mga faceshield suno kay Saltin.
Pahayag niya, halos kada bulan nagaabot ang COVID-19 medical supplies halin sa DOH.
Apang magluwas sa mga ginadonar nga supplies suno kay Saltin, nagabakal man ang WVMC sang dugang nga mga PPEs, face mask kag faceshield halin sa pila ka mga supplier agud mapasigurado nga bastante ang galamiton sang mga health workers kag mga pasyente.
