Nagabuylog sa kalisod sang pamilya Garin si Iloilo City Mayor Jerry Treñas matapos ang pagtaliwan ni Guimbal, Iloilo Mayor Oscar “Oca” Garin.
Sa interview sang Bombo Radyo kay Mayor Treñas, iya ginpahayag nga madugay man nga nagserbisyo sa probinsya sang Iloilo sa Mayor Garin bilang anay congressman kag subong alkalde sang Guimbal.
Madamo na sang nabuligan ang nasambit nga alkalde suno kay Treñas kag madamo naman sang mga napatuman nga programa kag proyekto.
Dugang pa ni Mayor Treñas, naka-updanay man sila ni Mayor Garin sa pila ka mga partido.
