Patay ang apat ka preso samtang pilason naman ang isa ka jail warden matapos nagtuyo ang 11 ka mga inmates nga magpalagyo gikan sa Lianga District Jail sa Surigao del Sur.
Suno sa Bureau of Jail Management and Penology (BJMP), nagapreparar sang pamahaw ang duty personnel sang nagtuyo nga magpalagyo ang mga preso.
Ginpahayag ni BJMP spokesman Xavier Solda nga nag-warning shot pa ang on-duty personnel sa secondary gate apang kadasig sang hitabo kun sa diin wala nakasarang ang warden kag nakuha pa sang mga preso ang armas ni Solda.
Nagreponde ang iban nga mga jail personnel.
Walo ka minutos ang shootout sa tunga nila kag sang mga inmates.
4 sa 11 ka detainees ang napatay samtang ang on-duty BJMP personnel naman ang nabun-an gamit ang improvised nga kutsilyo.
Ang naluthangan nga mga preso ang ginasuspetsuhan mga miyembro sang rebelde nga grupo kag amo ang nagkumbinse sa iban nga preso nga magpalagyo. Naka-red alert ang BJMP sa Caraga Region kasunod sang insidente.
